Հայաստանի հավաքականը հաղթանակ է տարել Դևիսի Գավաթում

Թենիսի Հայաստանի հավաքականն առաջին հաղթանակն է տարել Էստոնիայի մայրաքաղաք Տալինում անցկացվող Դևիսի գավաթի խաղարկությունում:

Ալբանիայի դեմ խաղում Միքայել Խաչատրյանը մենախաղում հաղթել է 6:3, 6:0 հաշվով, իսկ Միքայել Ավետիսյանը պարտվել է 3 սեթում՝ 6:3, 3:6, 2:6: Զուգախաղում հայկական զույգն առավելության է հասել 6:2, 6:2 հաշվով: Մինչև այդ Հայաստանի թիմը կրել էր 2 պարտություն: