Արցախցին ողջ ջանքերն ուղղել էր մարտադաշտը սպասարկելուն. այսօր արդեն պատերազմի հետևանքներն են վերացվում (ֆոտո, վիդեո)

Քառօրյա պատերազմի օրերին մեծ վնասներ կրեցին Արցախի մի շարք բնակավայրեր։ Մարդկային կորուստներից բացի խնդիրներ առաջացան նաև գյուղատնտեսական աշխատանքներում: Բանն այն է, որ ապրիլը ակտիվ գյուղատնտեսական ամիս է: Հատկապես գարնանացանն արդեն պետք է արված լիներ, սածիլերը դրված լինեին, իսկ հողը` պատրաստված: Սակայն արցախի բնակչությունը մոռացել է գարնանացանի մասին և ողջ ջանքերն ուղղել է մարտադաշտը սպասարկելուն ու երկրի սահմանները պաշտպաելուն. գյուղատնտեսության մասին մտածելու ժամանակ էլ չկար:

Այսօր արդեն կյանքը Արցախում բնականոն ռեժիմով շարունակվում է: Անգամ Արցախի վարչապետ Արա Հարությունյանը կոչ արեց մարդկանց վերադառնալ սահմանամերձ շրջաններ եւ շարունակել ապրել: Եվ արցախցին այսօր աշխատում, արարում, փորձում է ամեն ինչ անել, որպեսզի պատերազմի հետևանքները հնարավորինս արագ վերացվեն:

ArmLur.am-ի նկարահանող խումբը Հադրութում էր: Այնտեղ ձգտում են ջերմոցային տնտեսությունը զարգացնել:

Ավելի մանրամասն` ArmLur.am-ի տեսանյութում:

Լիաննա Խաչատրյան, Նարեկ Սարգսյան

Արցախ