ArmLur.am-ի զրուցակիցն է Մարդու իրավունքների առաջին պաշտպան Լարիսա Ալավերդյանը։
– Տիկի’ն Ալավերդյան, Դուք երեկ եղել եք Էրեբունիում, որտեղ «Սասնա ծռեր» խմբի անդամները գնդի տարածք են մտել և բանակցություններ են փորձել վարել տարբեր մարդկանց հետ։ Կասեք՝ Ձեր տեղեկություններով` ի՞նչ արդյունք տվեցին դրանք։
– Մենք կապ ենք հաստատել նախագահականի հետ, ոստիկանության աշխատակիցների հետ և առաջարկել ենք, որ մի խումբ ստեղծենք: Մենք պատրաստակամ ենք աջակցել և օգտակար լինել այս ամենին, որ չլինի հետագայում բռնության զարգացում, մենք պատրաստ ենք։ Մեզ ասացին, որ կքննարկեն մեր առաջարկը։ Մենք հասկացանք, որ միայն մենք չենք այս խմբում, և մենք իրապես սպասողական վիճակում ենք։
– Իսկ հարցի հանգուցալուծումն առհասարակ ինչպե՞ս եք տեսնում։
– Ես կարծում եմ՝ ներսում զինված տղաները երևի գիտեն՝ ինչ անել, դրա համար ես չէի ուզենա խանգարել բնականոն գործընթացին։ Եկեք մի քիչ համբերենք։
-Իսկ ըստ Ձեզ՝ ինչու իրենք գնացին այդ քայլին։
– Լինելով ոչ այդպիսի մեթոդների կողմնակից` ես կարծում եմ, որ այս մեթոդներն արդյունավետ չեն բոլոր իմաստներով՝ և’ մարդկային, և’ երկրում հասարակական հետագա զարգացումների համար։ Իմ գիտելիքներն ինձ թույլ են տալիս ասելու, որ սա արդյունավետ ձևը չէ։
.gif)
