Ինչ չի կարելի անել Մարոկկոյում. արտասովոր սովորույթների չիմացությունը լուրջ խնդիրներ կառաջացնի (ֆոտո)

Ամեն երկիր անկրկնելի է յուրովի: Տեղի օրենքների և սովորույթների չիմացությունը կարող է իրական խնդիրներ առաջացնել իրավապահ մարմինների հետ:

10 «չի կարելիները» Մարոկկոյի Թագավորությունում.

1. Դեն նետել հացը

Մարոկկացիները շատ հաց են օգտագործում՝ այն գնելով օրական մեկ կամ երկու անգամ, որպեսզի սեղանի վրա միշտ թարմ հաց լինի: Տնային տնտեսուհիներն այն ինքնուրույն են պատրաստում: Նրանք հարգալից են վերաբերվում հացին: Որպես կանոն` չորացած հին հացը տալիս են անասուններին, սակայն եթե ընտանիքը տնտեսություն չունի, ապա այն հանձնում են և փոխարենը տան համար լվացող միջոցներ ստանում:

2. Բաց թողնել տաք ջուրը

Երկրի բնակչությունը հավատում է ոգիներին, ջիններին և այլ աներևույթ էակների: Եվ կարծիք կա, որ եթե բաց թողնեք տաք ջուրը, ապա կզայրացնեք նրանց: Այդ իսկ պատճառով անհրաժեշտ է պարզապես տաք ջուրը սառի հետ բացել:

3. Խստորեն հետևել ճանապարհային երթևեկության կանոններին

Մարոկկոյում երթևեկությունը ակտիվ է, իսկ ճանապարհները լիքն են բեռնատարերով, տաքսիներով: Վիճակը բարդանում է, երբ հետիոտներ են անցնում, որոնք իրենց այնքան ազատ են պահում, որ անցնում են ճանապարհը ցանկացած վայրում և ցանկացած ժամանակ: Եվ եթե Դուք մեքենա եք վարձել Մարոկկոյում, ապա մոռացեք կանոնների մասին և չափից դուրս ուշադիր եղեք և զգացեք Մարոկկոյի ճանապարհների ռիթմը վթարներից խուսափելու համար:

4. Մտնել մզկիթներ

Մզկիթները արվեստի ստեղծագործություններ են: Սակայն դրանցով հիանալ չի հաջողվի: Դրանցից գրեթե բոլորը փակ են ոչ մուսուլմանների համար:

5. Լուսանկարել մարդկանց առանց նրանց համաձայնության

Չնայած երբեմն խնդրելու դեպքում նրանք համաձայնվում են:

6. Հրաժարվել հյուրասիրությունից

Մարոկկացիները հյուրասեր են: Թեյ հյուրասիրել նույնիսկ կփորձեն շուկաներում վաճառողները: Այստեղից քաղցած չեք հեռանա:

7. Թեյավճար չվճարել

Բառացիորեն ամեն քայլափոխի ընդունված է մետաղադրամ թողնել: Նույնիսկ ճանապարհը ցույց տալու համար անհրաժեշտ է վճարել: Այստեղ շատերի համար զբոսաշրջիկները եկամուտի աղբյուր են:

8. Գնումներ կատարել՝ չսակարկելով

Այս արգելքը ևս մեկ հիշեցում է այն մասին, որ Մարոկկոն արևելյան երկիր է, որտեղ շուկան այն հիմնական վայրերից է, որտեղ Դուք կարող եք զգալ երկրի կոլորիտը:

9. Տեղական տարադրամը  դուրս բերել երկրից

Իհարկե, եթե Ձեզ հետ որպես հիշողություն չվերցնեք մեկ տարադրամ, ապա ոչ մի սարսափելի բան տեղի չի ունենա: Սակայն սահմանը ազգային արժույթով հատելու դեպքում խնդիրներ կունենաք իրավապահների հետ:

10. Չարախոսել թագավորի կամ թագավորական ընտանիքի մասին

Մարոկկացիները հարգում են նրանց, քանի որ հենց նրանց օրոք պետությունում զգալի առաջընթացներ գրանցվեցին կյանքի բոլոր ոլորտներում: