Այսօր Գյումրու Կույումջյանի անվան թիվ 21 դպրոցի 11-ամյա աշակերտ Սարգիս Տիգրանյանի ինքնազգացողությունը ֆիզկուլտուրայի դասի ընթացքում կտրուկ վատացել էր, որի հետևանքով երեխային մահամերձ վիճակում տեղափոխել էին Գյումրու Մոր և մանկան ավստրիական հիվանդանոց:
«Ֆիզկուլտուրայի ժամին ուշագնաց է եղել: Շտապօգնության հետ միասին ամեն ձև փորձեցինք երեխային փրկել: Շտապ տեղափոխեցինք հիվանդանոց, բայց արդեն ուշ էր, սրտի կանգ էր գրանցվել»: Այս մասին ArmLur.am-ի հետ զրույցում նշեց Գյումրու Կույումջյանի անվան թիվ 21 դպրոցի փոխտնօրեն Կարինե Դամիրյանը:
«Շատ լավ, թանկ պահած երեխա էր: Ընտանիքի մեջ հատուկ պահած էր: Հաճախում էր ֆուտբոլի, ընբշամարտի: Շատ ցավալի է, քանի որ դեպքը տեղի է ունեցել վայրկյանների ընթացքում»,-նշեց դպրոցի փոխտնօրենը:
Մեր զրուցակցի խոսքով՝ երեխայի անկետայում գրանցված է եղել, որ ոչ մի առողջական խնդիր չունի: Այդ մասին ասել է նաև դպրոցի բուժքույրը:
Լիդա Եղիազարյան
.gif)
