Հայ հրաձիգներն անհաջող հանդես եկան աշխարհի երիտասարդական առաջնությունում

Գերմանիայի Զուլ քաղաքում շարունակվում է հրաձգության աշխարհի երիտասարդական առաջնությունը:

Երեկ հայ մարզիկները մրցել են 10 մ օդամղիչ հրացան մրցաձեւում եւ չեն հաղթահարել որակավորման փուլը: Նարեկ Ադամյանը զբաղեցրել է 23-րդ հորիզոնականը, Հայկ Բաբայանը` 33-րդը, իսկ Վրեժ Թորոսյանը` 90-րդը:

Նույն մրցաձեւի աղջիկների պայքարում Ալլա Պողոսյանը 58-րդն էր:

Այսպիսով, Հայաստանի հավաքականն ավարտեց մրցելույթներն աշխարհի երիտասարդական առաջնությունում: