Մազի աճի վրա ազդում է գլխի մաշկի ճարպակալումը: Այն առաջին հերթին ազդում է նյարդային համակրգի վրա: Բացի այդ մազաթափությանը նպաստում է մտավոր լարվածությունը, անքնությունը, գերհոգնածությունը, ծանր սթրեսային իրավիճակը:
Վահանագեղձի ոչ բավարար աշխատանքի պատճառով կարող են թափվել ճակատային մասի մազերը: Մազերը թափվում են նաև հորմոնալ խանգարումների պատճառով, օրինակ` նոր ծննդաբերած կանանց մոտ: Եթե հղիության ժամանակ մազերը շատանում են, ապա ծննդաբերությունից հետո կրկին մազաթափություն է նկատվում:
Մազաթափումը կարող է կապված լինել նաև սննդի պակասից, հատկապես «խիստ դիետայի» պատճառով: Սպիտակուցների պակասը շատ արագ արտահայտվում է մազերի արմատների վրա: Մազերը սակավանում են, դանդաղանում է նրանց աճի արագությունը: Սա մտածելու տեղիք է տալիս հատկապես բուսակերների համար:
Երկաթի, А և В վիտամինների խմբերի, ծծմբի պակասը նույնպես մազաթափության պատճառ են դառնում, սակայն չպետք է մոռանանք, որ մազաթափությունը կարող է զուտ սեզոնային բնույթ կրել:
Հիմնականում մազաթափություն է նկատվում սեպտեմբերից- դեկտեմբեր ամիսներին ընկած ժամանակահատվածում:
Իսկ ինչպե՞ս պայքարել մազաթափության դեմ:
Մազերը վերականգնելու համար անհրաժեշտ է մեկ բաժակի մեջ լցնել 5 ճաշի գդալ ձիթապտղի յուղ, մի քիչ տաքացնել այն և կես կիտրոնի հյութ ավելացնել: Ցանկալի է 3-4 անգամ քսել այդ նյութը գլխին, ընդ որում` ոչ մաքուր, քնելուց առաջ փաթաթել գլուխը, իսկ առավոտյան լվալ այն օճառահեղուկով, ինչպես սովորաբար: Իսկ առավել յուղոտ մազերի համար լավ է թարմ կաղամբի և թարմ վարունգի հյութը:
.gif)
