Արմեն Սարգսյանի արտաքաղաքական «վոյաժները» չեն ավարտվում. «Հրապարակ»

«Հրապարակ» օրաթերթը գրում է. «Նիկոլ Փաշինյանից հետո՝ հոկտեմբերի սկզբին, Նյու Յորք կմեկնի նաեւ ՀՀ նախագահ Արմեն Սարգսյանը՝ East-West Institute-ի կողմից իրեն շնորհված «Համաշխարհային պետական գործիչ» տիտղոսն ստանալու։ Տիտղոսը մինչ այդ շնորհվել է Վացլավ Հավելին, Ջորջ Բուշին, Հելմուտ Քոլին, նախկին պետքարտուղար Հենրի Քիսինջերին։

Մինչ այդ՝ սեպտեմբերի 21-ի Անկախության տոներից անմիջապես հետո, Սարգսյանը կմեկնի Ֆրանսիա՝ մասնակցելու Շամոնի քաղաքում անցկացվող «Summit of Minds»-ին՝ մինի-Դավոսին՝ մտքերի գագաթնաժողովին։ Ներքաղաքական կյանքում պասիվ Արմեն Սարգսյանի արտաքաղաքական «վոյաժներն» այսքանով չեն ավարտվում․ մինչեւ տարեվերջ նա եւս մեկ անգամ կլինի Ֆրանսիայում՝ արդեն պաշտոնական այցով, ապա պաշտոնական այց կկատարի Գերմանիա եւ Ռուսաստան»։

Ավելի մանրամասն՝ թերթի այսօրվա համարում: