Չեմպիոնների Լիգա. Օրվա հանդիպումներին ընդառաջ

Weekend-յան դադարից հետո վերադառնում է Չեմպիոնների Լիգան: Միանգամից մի քանի հզոր հանդիպումներ, որոնց կանդրադառնանք ըստ հերթականության:

«Օլիմպիկ Լիոն»-«Բարսելոնա»

Հյուրերը դիմակայության բացահայտ ֆավորիտն են, սակայն չպետք է Օլիմպիկցիներին մեկ աչքով նայել :

Կատալոնական թիմը  անցած մրցաշրջանից կուտակած շատ բան ունի. մրցաշարից դուրս մնալը կատալոնները չեն մոռացել մինչեւ այսօր եւ այս մրցաշրջանում խոստում են տվել հաղթել Չեմպիոնների Լիգայում:

«Լիոնը» առաջին խաղը հանդես է գալու սեփական դաշտում եւ սեփական երկրպագուների առջեւ պատվով հանդես գալու մեծ ցանկությունը կստիպի նրանց դուրս գալ խաղադաշտ եւ կռիվ տալ հաղթանակի համար:

Հավանական մեկնարկային կազմեր.

«Օլիմպիկ Լիոն»`Լոպես,Դուբո,Մարսելո,Դենայեր,Մենդի,Տուսար,Նդոմբելե,Տրաորե,Օար,Դեմբելե,Դեպայ

«Բարսելոնա»`Տեր Շտեգեն,Սեմեդու,Պիկե,Լանգլե,Ալբա,Ռակիտիչ,Բուսկեց,Վիդալ,Դեմբելե,Մեսի,Սուարես

«Լիվերպուլ»-«Բավարիա Մյունխեն»

The Beatles-ն այլեւս չկա, սակայն նրանց մասին հիշում են բոլորը` նույնիսկ մյունխենյան ակումբի ֆուտբոլիստները, ովքեր մարզման ժամանակ կրկնել էին հայտնի խմբի հայտնի լուսանկարը:

«Էնֆիլդ Ռոուդը» այսօր կսկսի իր անզուգական կատարումը, որը կրկին ու կրկին կհիշեցնի «մեղուների» ֆանտաստիկ խումբը:

Ռոք երգիչների փոխարեն Լիվերպուլում է «ռոք մարզիչը»`Յուրգեն Կլոպը, ով իր խմբի հետ կփորձի Մերսիսայդյան ակումբի էջերում գրել իր պատմությունը:

Այս ամենին հնարավորինս կփորձի խանգարել Նիկո Կովաչն իր «հրոսակախմբի» հետ միասին:

Այս դիմակայության ֆավորիտը անգլիական ակումբն է, սակայն պատահական չէ, որ մյունխենցիներին անվանում են «գերմանական մսաղաց»:

Օրվա կենտրոնական հանդիպումը խոստանում է լինել թեժ եւ գոլառատ: Իսկ հիմա ArmLur.am-ը  առաջարկում է ծանոթանալ  թիմերի հավանական մեկնարկային կազմերին:

«Լիվերպուլ»` Ալիսոն, Ալեքսանդր-Արնոլդ, Ֆաբինյո, Մատիպ, Ռոբերտսոն, Հենդերսոն, Միլներ, Վեյնալդում, Սալահ, Ֆիրմինո, Մանե:

«Բավարիա Մյունխեն»` Նոյեր,Կիմիխ, Զուլյե,Հյումելս, Ալաբա, Գորեցկա, Տիագո, Գնաբրի, Խամես, Կոման Լեվանդովսկի:

Հանդիպումները կսկսվեն Երեւանի ժամանակով ուղիղ կեսգիշերին: