«ԺՈՂՈՎՈՒՐԴ» ԹԵՐԹԻ 229 ՀԱՄԱՐԸ

«Նախընտրական կրակոցներ»` այսպես կարելի է բնութագրել Շիրակի մարզի Արթիկ քաղաքում օրերս տեղի ունեցած դեպքը, երբ Գետափ գյուղի բնակիչ ոմն Անուշավան Բաղդասարյան ծեծի էր ենթարկել ոստիկանի, վերջինս էլ իրեն ամրակցված զենքով կրակ էր արձակել նախ օդ, ապա իրեն ծեծողների ուղղությամբ:Թաղային հեղինակություն համարվող Անուշավան Բաղդասարյանը, ով այս դեպքի պարագլուխն է համարվում, ոտքին ստացած հրազենային վնասվածքով տեղափոխվեց  հիվանդանոց: …

Մի խումբ հասարակական կազմակերպություններ եւ քաղաքացիական նախաձեռնություններ բաց նամակ են հղել վարչապետ Տիգրան Սարգսյանին եւ Երեւանի քաղաքապետ Տարոն Մարգարյանին` պահանջելով դադարեցնել Փակ շուկայում սկսված շինարարական աշխատանքները: Նամակի համահեղինակները խնդրում են պատկան մարմիններից նկատի ունենալ, որ «Երեւանի կենտրոնական ծածկված (փակ) շուկան» ունի թե՛ ճարտարապետական, թե՛ ճարտարագիտական մեծ արժեք, ինչպես նաեւ պատմական նշանակություն եւ ընդգրկված է Երեւան …

Ճանապարհային ոստիկանությունը հիշեցնում է, որ «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» եւ «Ճանապարհային երթեւեկության անվտանգության ապահովման մասին» ՀՀ օրենքների համաձայն` ԱՊՊԱ պայմանագիր ունենալը, ինչպես նաեւ տեխնիկական զննության եւ ԱՊՊԱ կտրոնները տրանսպորտային միջոցի դիմապակուն փակցնելը պարտադիր են, իսկ դրանց բացակայությունն առաջացնում է վարչական պատասխանատվություն: Ճանապարհային ոստիկանությունը հորդորում է վարորդներին կնքել ԱՊՊԱ պայմանագրեր եւ տրանսպորտային …

«Հարավային Սուդանում ձերբակալված ՀՀ քաղաքացու հետ կապ է հաստատվել, նա ազատության մեջ է եւ որեւէ խնդիր այդ երկրի իշխանությունների հետ չունի»,-այս մասին armlur.am-ը տեղեկանում է  ՀՀ ԱԳՆ-ից: Հիշեցնենք, որ ավելի վաղ հաղորդվել էր, որ Հարավային Սուդանում ձերբակալվել է Սուդանի Park Air ընկերության Ան-32 ինքնաթիռի անձնակազմը, որի անդամներից մեկը Հայաստանի քաղաքացի է:

Այսօր Հայաստանում կա մոտ հարյուր ջրամբար, որոնցում կուտակված ջուրը չի կարող բավարարել մեր պահանջները: Նման եզրահանգման է եկել «Ջրային, կլիմայական եւ ռեկրեացիոն ռեսուրսների միջազգային գիտահետազոտական կենտրոն»-ի ղեկավար Թրահել Վարդանյանը: Նրա խոսքերով` ջրամբարներում ամենամոտ հաշվարկներով կուտակված է 1-1,2 միլիարդ խորանարդ մետր ջուր, բայց այս պահին տնտեսության մեջ օգտագործվում է մոտ 2,1 միլիարդ խորանարդ մետր ջուր: Իհարկե, …

Հայաստանի գործատուների հանրապետական միության նախագահ Գագիկ Մակարյանը հանգել է այն եզրակացության, որ երկրում էլիտար բնակարանների նկատմամբ հետաքրքրությունը նվազել է: Նրա դիտարկմամբ այդ կիսավարտ կամ ավարտված ու շահագործման չհանձնված բնակարաններում բավականին զգալի կապիտալ է սառեցված` մոտ 2 մլրդ դոլար, որը շատ զգալի թիվ է, ինչը դուրս է եկել տնտեսությունից եւ դրվել այդ ոլորտում, որպեսզի շրջանառվի, սակայն …

«Հող ենք բեջարում, էս տարի էլ արեւածաղիկ ցանեցինք, բայց լավ օգուտ չարինք: Ջուր չտվին, 3000 դրամ էլ փող ուզին, բայց անցած տարի էլ, էս տարի էլ մի հետ էլ ա ջուր չեմ տեհել»,-ասում է ճոճկանցի 70-ամյա Վասիլ Հախվերդյանը: Ամեն առավոտ արթնանալուն պես կովերը տանում է արոտ: Իր եւ կնոջ համար ապրուստի հիմնական միջոցը կովերն են …