Մեզ համար կարևոր է, որ Ռուսաստանը պահպանի իր դիրքերը Ուկրաինայում: Այսօր կայացած ասուլիսի ընթացքում անդրադառնալով ուկրաինական զարգացումներին, այս մասին նշեց քաղաքագետ Արամ Մանուկյանը:
«Մենք էլ մտնում ենք Մաքսային միություն և մեզ համար կարևոր է Ռուսաստանի հետ լավ հարաբերությունները», – նշեց նա:
Քաղաքագետի խոսքով, Ռուսաստանի նկատմամբ կարող են կիրառվել որոշ պատժամիջոցներ, որոնք Հայաստանի` ՄՄ անդամակցությունից հետ կազդեն նաև Հայաստանի վրա:
«Հետագա իրավիճակի սրումը պարզ կլինի առաջին երկու ամիսների ընթացքում», – նշեց քաղաքագետը:
Մանուկյանը նշեց, թե ներկայումս Ուկրաինայում տեղի ունեցող իրադարձությունները պայմանավորված են ռուս-ամերիկյան դիմակայությամբ: Միևնույն ժամանակ նրա կարծիքով, ԱՄՆ-ի և Ռուսաստանի միջև պատերազմն այժմ քիչ հավանական է:
«Միևնույն ժամանակ Սիրիայի վրա ճնշում գործադրելով Թուրքիան ցանկանում է չեզոքացնել Ռուսաստանի տարածաշրջանային նկրտումները», – նշեց նա:
.gif)
