Կանադայի ոստիկանությունը ձերբակալել է մի տղամարդու, ով կասկածվում է երեք ոստիկանների սպանության մեջ. տեղեկացնում է The Globe and Mail-ը:
«Կամուֆլյաժով» և առնվազն երկու հրացանով զինված տղամարդը չորեքշաբթի՝ հունիսի 4-ի երեկոյան, Մոնկտոն քաղաքում գնդկահարել է երեք ոստիկանի և վիրավորել երկուսին:
Կրակոցները սկսվել են այն բանից հետո, երբ 911 ծառայությունում զանգ է ստացվել քաղաքում հայտնված զինված տղամարդու մասին:
Դեպքի վայր եկած ոստիկանների վրա կրակ էր բացվել, կրակողը փախել է դեպքի վայրից:
Վկաները հայտնել են, որ հանցագործի մոտ մի քանի տեսակի զենք է եղել:
Որոշ ժամանակ անց պարզվել է, որ ոստիկանների վրա կրակ բացողը 24-ամյա Ջասթին Բուրկն է եղել: Գրեթե երկու օր նրան են փնտրել հարյուրավոր ոստիկաններ: Օպերացիայում ներգրավված են եղել զրահամեքենաներ և ուղղաթիռներ: Ոստիկանությունը խնդրել է քաղաքի բնակիչներին դուրս չգալ տներից:
Հինգշաբթի Բուրկին երեք անգամ տեսել են քաղաքում, սակայն նրան ձերբակալել չի հաջողվել:
.gif)
