Ապրիլ 29, 2014

Արագածոտնի մարզի գյուղերի բնակիչները չեն հավատում, որ ՕԵԿ առաջնորդ, Ազգային անվտանգության խորհրդի արդեն նախկին նախագահ Արթուր Բաղդասարյանն իր «Հայասի Գրուպ» գործարանը վարկերով է աշխատեցնում:«Սուտ ա, չեմ հավատում, ո՞վա ասում՝ վարկերով ա աշխատում, վարկերով եքա գործարանը ո՞վ կկառուցի: Էդ սուտա, բա մի բան պիտի մոգոնի: Բա որ ինքնա վարկի տանք, գյուղացի՞ն ինչ ասի»,-«Ժամանակին» ասաց «Հայասի Գրուպ» գործարանի անմիջապես հարևանությամբ գտնվող Ոսկեվազ գյուղի բնակիչներից մեկը:

2013թ. տարեվերջին հիմնովին վերանորոգվել է ՀՀ պետեկամուտների կոմիտեի՝ Երեւանի Մ.Խորենացու փողոցում գտնվող ՊԵԿ 3 եւ 7-րդ մասնաշենքերը: «Ժողովուրդ»-ին հայտնի դարձավ, որ վերանորոգվել են պատերը, կոյուղին, սանհանգույցը, կտուրը եւ այլն: Այդ աշխատանքներն իրականացրել է «Կարալանս» ՍՊԸ-ն: Ուշագրավը, սակայն, ծախսված գումարի չափն է՝ մոտ 36 մլն դրամ կամ ավելի քան 87 հազար դոլար: Գումարը, բնականաբար, տրամադրվել է ՀՀ պետական բյուջեից:

Օդի ջերմաստիճանը 29-30 կբարձրանա 1-2 աստիճանով, այնուհետև էապես չի փոխվի: 

Մեր տեղեկություններով՝ Աժ նախագահի պաշտոնում թե «Ժառանգություն» խմբակցության ղեկավար Ռուբեն Հակոբյանի թեկնածության առաջադրումը, թե ՀԱԿ պատգամավոր Հրանտ Բագրատյանի ինքնառաջադրումն անակնկալ է եղել «քառյակի» համար։ «Քառյակի» վերջին նիստում որոշված է եղել, որ իրենք չեն կարևորելու Աժ նախագահի ընտրությունն ու չեն մասնակցելու սեփական թեկնածուով։

Օրերս արտակարգ իրավիճակ է առաջացել Երեւանի թիվ 187 դպրոցում։ 7-րդ դասարանցիներից մեկը ձեռքով ուժգին հարվածել է ուսուցչի դեմքին այն բանի համար, որ վերջինս հանդգնել է դիտողություն անել նրան։

«Ժողովուրդ»-ի տեղեկություններով՝ ՀՀԿ-ական պատգամավոր Մանվել Բադեյանը պլանավորել է նոր բիզնես սկսել: Նա պատրաստվում է Երեւան-Էրբիլ չվերթ իրականացնել եւ մեզ հետ զրույցում հաստատելով լուրը նշեց. «Այդ մտադրությունը կա, որ այդ ուղին բացվի, բայց դա մենակ իմ անելիքը չէ, միջկառավարական շատ համաձայնագրեր պետք է լինեն»:

Հայաստանի Եվրասիական ինտեգրման ճանապարհին ինչ-որ խոչընդոտներ են առաջացել։ Պրոբլեմը կարող են լինել այն 900 ապրանքատեսակները, որոնց մաքսատուրքը մեր երկրում պետք է բարձրանար ՄՄ մտնելուց հետո։ Սա էլ իր հերթին կնշանակեր այդ ապրանքների գների կտրուկ աճ Հայաստանում, ինչը անկանխատեսելի հետևանքներ կարող էր ունենալ իշխանության համար։ Հայաստանի իշխանությունները փորձում էին ՄՄ անդամ երկրներին համոզել, որ Հայաստանի համար այդ ապրանքատեսակների մաքսատուրքը մնա նույնը։

Հանրապետականում կադրային լուրջ ճգնաժամը շարունակվում է, հիմա էլ չեն կարողանում ՀՀԿ խմբակցության ղեկավար ընտրել։ Թեեւ պտտվում էր Սամվել Նիկոյանի անունը, բայց ՀՀԿ-ում կարծում են, որ նա Գրիգորիչ չի կարող աշխատել՝ րոպեների ընթացքում բերման ենթարկել պատգամավորներին։ Գալուստ Սահակյանը, ըստ ամենայնի, կշարունակի պպաշտոնավարել որպես ՀՀԿ խմբակցության ղեկավար՝ համատեղելով ԱԺ նախագահի պաշտոնը։

«Ժողովուրդ»-ը տեղեկացավ, որ ՀՀ վարչապետի պաշտոնից անակնկալ հրաժարական տված Տիգրան Սարգսյանը նման անակնկալ ձեւով էլ հրաժարվել է մեդիաոլորտից: Բանն այն է, որ Տ. Սարգսյանն այլեւս չի ցանկանում ֆինանսավորել ATV հեռուստաընկերության լրատվական ծառայությունը, էլեկտրոնային մի շարք կայքերի եւ օրաթերթերի: Մեր տեղեկություններով՝ Տ. Սարգսյանը տեւական ժամանակ չի լինելու քաղաքական դաշտում:

Երևանի քաղաքապետարանը որդեգրել է քաղաքականություն՝ բակային տարածքներն ազատել ինքնակամ կառուցված և ժամանակավոր շինություններից: