Ս.թ. սեպտեմբերի 12-ից ոչ ներգաղթային և ներգաղթային որոշ արտոնագրերի (վիզաների)միջնորդավճարրի չափը կփոփոխվի: Խնդրում ենք նկատել, որ այցելուների (բիզնես, զբոսաշրջային, բժշկական), ուսանողական և փոխանակման ծրագրերին մասնակցելու նպատակով տրվող արտոնագրերի միջնորդավճարները փոփոխության չեն ենթարկվի: Հիշյալ արտոնագրերի տեսակների համար դիմորդները կշարունակեն վճարել 160 ԱՄՆ դոլար:
Ստորև ներկայացված են արտոնագրերի այն տեսակները, որոնց վրա այս փոփոխությունը կանդրադառնա.
Ոչ ներգաղթային մուտքի արտոնագրի համար գանձվող միջնորդավճարներ
Պայմանագրային հիմունքներով ներդրողների և առևտրով զբաղվողների համար նախատեսված արտոնագրեր (E)`նախկին վճար $270, նոր վճար $205
Հարսնացուների/փեսացուների արտոնագրեր (K) նախկին՝ $240 նոր՝ $265
Սահմանահատման քարտեր (մինչև 15 տարեկանների համար) նախկին $15, նոր՝ $16
Ներգաղթային արտոնագրերի համար գանձվող միջնորդավճարներ
Ազգականի և ընտանիքի անմիջական անդամի դիմումներ նախկին՝ $230, նոր՝ $325
Աշխատանքային միջնորդագրերի վրա հիմնված դիմումներ՝ նախկին՝ $405, նոր՝ $345
Հատուկ ներգաղթային արտոնագրի դիմողներ (բացառությամբ բազմազանության արտոնագրի դիմողների) նախկին՝ $220, նոր՝ $205
Վերադարձող մշտական բնակչի կարգավիճակի սահմանում. Նախկին՝ $275, նոր՝ $180
Երկու տարվա բնակության պահանջի վերացման դիմում, նախկին՝ $215, նոր՝ $120
Աջակցության երաշխավորագրի վերանայում (միայն այն դեպքում, երբ աջակցության երաշխավորագիրը վերանայվում է ԱՄՆ-ում), նախկին՝ $88, նոր՝ $120
ԱՄՆ քաղաքացիներին մատուցվող և վարչական գործընթացի հետ կապված ծառայություններ
ԱՄՆ քաղաքացիությունից պաշտոնական հրաժարման վարչական գործընթաց, նախկին՝ $450, նոր՝ $2,350
Օգտագործված հյուպատոսական ժամանակի վճար (աշխատանքային ժամերից հետո կամ գրասենյակից դուրս մատուցած ծառայության համար ), նախկին՝ $231, նոր՝ $135
Մուտքի արտոնագրի բոլոր դիմորդները դիմումի միջնորդավճարը պետք է վճարեն ըստ վճարման օրվա գործող դրույքաչափի: Բացառություն են կազմում մուտքի ներգաղթային արտոնագրերի դիմումների ներքին վճարներըՎիզաների ազգային կենտրոնում (ՎԱԿ), որոնց դեպքում կիրառվում է հաշվի ներկայացման օրվա դրությամբ գործող միջնորդավչարը:
Այն միջնորդավճարները, որոնց դրույքաչափերը նվազելու են, փոխհատուցման ենթակա չեն: Եթե դուք վճարումը կատարել եք մինչև 2014թ-ի սեպտեմբերի 12-ը, և այդ միջնորդավճարը նվազել է, ապա մենք չենք կարող իրականացնել փոխհատուցում:
Ոչ-ներգաղթային արտոնագրերի բարձրացված միջնորդավճարների պարագայում մուտքի արտոնագրի արդեն իսկ կատարված վճարումները կընդունվի նորացված միջնորդավճարները ուժի մեջ մտնելուց հետո 90 օրվա ընթացքում:
Միջնորդավճարի փոփոխման մասին ամբողջական տեղեկատվություն կարող եք ստանալ` այցելելով ԱՄՆ հյուպատոսական հարցերով գրասենյակի travel.state.gov կամ դեսպանության կայքէջերը http://armenia.usembassy.gov/visas.html:
.gif)
