Կենտրոնական Անատոլիայի Կոնիա նահանգում ձերբակալվել է 16-ամյա մի աշակերտ Ռեջեփ Թայիփ Էրդողանին վիրավորելու համար:
Աշակերտը, ում անունը չի հայտնվում, եղել է համացանցային «Ժողովրդական ավագ դպրոց» խմբի անդամ: Վերջինս, դեկտեմբերի 23-ին այցելելով լեյտենանտ Մուստաֆա Ֆեհմի Կուբիլայի հիշատակին նվիրված հանդիպմանը, ով սպանվել էր իշխանամետ ուժերի կողմից 1930 թ. ելույթով է հանդես եկել: 16-ամյա աշակերտը խմբի անունից հայտարարություն է արել, որի ժամանակ անդրադարձել է երկրում կոռուպցիոն հետաքննությանը:
Ոստիկանությունը աշակերտին ձերբակալել է դպրոցում դեկտեմբերի 24-ին ու նրան բերման ենթարկել:
Կոնիայի Առաջին ատյանի քրեական դատարանը որոշում է կայացրել ձերբակալել աշակերտին նախագահ Էրդողանին վիրավորելու համար: Աշակերտին սպառնում է մինչև 4 տարի ազատազրկում, եթե նա մեղավոր ճանաչվի Էրդողանին վիրավորելու մեջ:
.gif)
