«Այս տարվա քաղաքական օրակարգի թիվ մեկ հարցը սահմանադրական բարեփոխումներն են»,- այսօր լրագրողների հետ հանդիպման ժամանակ, անդրադառնալով Սահմանադրական բարեփոխումներին, այս մասին նշեց Ազգային ժողովի ֆինանսավարկային հարցերի մշտական հանձնաժողովի նախագահ, Հանրապետական խմբակցության անդամ Գագիկ Մինասյանը:
Նրա խոսքով` այս ամենին հասարակության մասնակցությունը շատ կարևոր է: «Հասարակությունը պետք է տեղեկացված լինի կատարվող իրադարձություններին: Անկախ նրանից, թե քաղաքական ուժերն ինչ դիրքորոշում կունենան, ի վերջո, հասարակությունն է որոշում կայացնողը: Չափազանց կարևոր է, որ քաղաքացին իր ընտրությունը կայացնելիս գիտակցված լինի»,-նշեց նա:
Պատգամավոր հավելեց՝ մասնագիտական հանձնաժողովին պատրաստվում է մի շարք առաջարկներ ներկայացնել, որոնցից մեկը կապված է կայուն մեծամասնականի հետ:
Ըստ նրա, նախագծում պետք է հստակ ձեւակերպվի, որ ԱԺ-ում հայտնված խմբակցություններն իրենք պետք է կարողանան ձևավորել կայուն մեծամասնություն, և միայն չհաջողվելու դեպքում երկրորդ փուլ լինի:
Պատգամավորի առաջարկներից մեկն էլ վերաբերվում է օրենսդրական նախաձեռնություններին:
.gif)
