Այսօր` սեպտեմբերի 18-ին Արարատի մարզի Լուսառատ գյուղի բնակիչները փակել էին Երևան-Մեղրի մայրուղին: Գյուղացիները պահանջում էին պայմաններ ստեղծել խաղողի մթերման համար, քանի որ ոչ մի գործարան իրենց բերքը չի ընդունում:
Մայրուղին երկու ժամ գյուղացիների կողմից փակ պահելուց հետո միայն մարզպետը, իսկ հետո նաև գյուղնախարար Սերգո Կարապետյանը ժամանել են Փոքր Վեդի գյուղ և հանդիպել գյուղացիների հետ:
Նախարարը դժգոհ գյուղացիներին հավաստիացրել է, որ խաղողի բերքի ողջ ծավալը կմթերվի: Այդ ուղղությամբ աշխատանքներ են տարվում վերամշակող գործարանների հետ:
.gif)
