Ազատության հրապարակում քիչ առաջ իր ելույթի ժամանակ “Ժառանգության” առաջնորդ Րաֆֆի Հովհաննիսյանը իր կողմնակիցներին առաջարկեց քայլել դեպի Բաղրամյան 26: “Գնում ենք կերուխումն ավարտած Բաղրամյան 26` մեր նստավայր”,- նշել է Ր. Հովհաննիսյանը:
Նա առաջարկել է քայլել “Հայաստան” և “միացում” վանկարկելով: Իսկ իրավապահներին հորդորել է չփակել իրենց ճանապարհը: “Ոստիկաններ, ժողովրդի հրահանգը ձեզ պատգամ, բացեք ճանապարհները”,- նշել է “Ժառանգության” առաջնորդը”:
Նա նաև հայտարարել է, որ Բաղրամյան 26-ից հետո իրենք շարժվելու են դեպի Ծիծեռնակաբերդ:
Ներկայումս Բաղրամյանով երթեւեկությունը դադարեցված է: Ի պատասխան ցուցարարները վանկարկում են “Հայաստան”, “Սերժիկ հեռացիր”, իսկ հատուկջոկատայինները մահակներով խփում են վահաններին:
.gif)
