Ոստիկանությունը թույլ է տվել ընդդիմադիրներին անցնել Բաղրամյան պողոտայով

Ոստիկանությունը թույլատրեց ցույցի մասնակիցներին բարձրանալ Բաղրամյան պողոտայով: Փակված Բաղրամյան պողոտան բացվել է, իսկ երթևեկությունը՝ վերականգնվել: Րաֆֆի Հովհաննիսյանի եւ ոստիկանապետ Վլադիմիր Գասպարյանի միջեւ ձեռք բերված պայմանավորվածության համաձայն, ցուցարարները անցան խորհրդարանի եւ նախագահի նստավայրի կողքով: Րաֆֆի Հովհաննիսյանի գլխավորությամբ հանրահավաքի մասնակիցները նախագահական նստավայրի դիմաց երգեցին ՀՀ օրհներգը: Այժմ նրանք հետ են վերադառնում  Ազատության հրապարակ: