Քաբուլում Իսպանիայի դեսպանատան մոտ հյուրանոցի վրա զինյալների հարձակման հետևանքով 7 մարդ է զոհվել և ևս 9-ը՝ վնասվածքներ ստացել, փոխանցում է Interfax-ը:
Աֆղանական լրատվամիջոցները՝ հղում անելով Քաբուլի ոստիկանության ներկայացուցչին, զոհվածների թվում 2 իսպանացի և 5 աֆղանցի կա՝ ոստիկաններ և քաղաքացիական անձինք:
Նրա խոսքով՝ ահաբեկիչների չեզոքացման օպերացիան տևել է մինչև առավոտյան ժամը 4-ը:
Հիշեցնենք, որ նախօրեին Շիրպուր մարզում հզոր պայթյուն էր որոտացել, ահաբեկիչները պայթեցրել են ականապատ Toyota Corolla ավտոմեքենան Իսպանիայի դեսպանատան մոտ, որից հետո փոխհրաձգություն էր սկսվել Աֆղանստանի անվտանգության ուժերի հետ:
Ոստիկանների տվյալների համաձայն՝ ահաբեկիչները չորսն են եղել:
Պայթյունի պատասխանատվությունը ստանձնել է «Թալիբան» շարժումը:
Թարգմանիչ՝ Քրիստինե Պողոսյան
.gif)
