Վաղը տեղի է ունենալու ԱԺ ՀՀԿ խմբակցության նիստ, որի ընթացքում էլ պարզ կդառնա` ով է լինելու ՀՀԿ-ի կողմից առաջադրված ՄԻՊ թեկնածուն: Այս մասին այսօր լրագրողների հետ զրույցում հայտարարեց խմբակցության ղեկավար Վահրամ Բաղդասարյանը:
Հարցին` «Արդարադատության փոխնախարար Արման Թաթոյանի թեկնածությո՞ւնն է առաջադրվելու» հարցին նա պատասխանեց. «Կա նման թեկնածու»:
Մեկ այլ հարցի` ամենահավանական թեկնածուն հենց Թաթոյա՞նն է, Բաղդասարյանը պատասխանեց, որ ամենահավանականը պարզ կլինի խմբակցության նիստից հետո: Իսկ դիտարկմանը, թե քննարկվում է նաև Ջհանգիրյանի անունը, Բաղդասարյանը պատասխանեց. «Ես բարձր եմ գնահատում Ջհանգիրյանի հնարավորությունները»:
.gif)
