Թուրքիան չի պլանավորում միակողմանի ցամաքային օպերացիա սկսել Սիրիայում, փոխանցում է Reuters-ը: Այս մասին հայտարարել է Թուրքիայի նախագահի խորհրդական Իբրահիմ Քալինը:
Ընդ որում, նա հավելել է, որ Անկարան կշարունակի համատեղ աշխատանքը միջազգային կոալիցիայի հետ:
«Մենք բազմիցս հայտարարել ենք, որ կշարունակենք աշխատել կոալիցիայի հետ: Հենց այդ պատճառով Սիրիայում ցամաքային օպերացիայի ցանկացած նախապատրաստում՝ թե միակողմանի, թե Սաուդյան Արաբիայի կամ այլ երկրների հետ, չի քննարկվում»,-ասել է Քալինը:
Ավելի վաղ Թուրքիայի ԱԳՆ ղեկավար Մեվլյութ Չավուշօղլուն հայտնել է, որ Սիրիայում Թուրքիայի ռազմական մասնակցությունը օրակարգի հարց չէ: Չավուշօղլուի խոսքով՝ Սիրիայում ցանկացած ցամաքային օպերացիայի պետք է մասնակցեն կոալիցիայի բոլոր անդամները:
Թարգմանիչ՝ Քրիստինե Պողոսյան
.gif)
