Հարրիսը համաձայնել է մասնակցել Թրամփի հետ նոր բանավեճին. երբ կկայանա այն

ԱՄՆ փոխնախագահ Քամալա Հարրիսը, ով «Դեմոկրատական ​​կուսակցությունից» բարձրագույն կառավարական պաշտոնի թեկնածու է, ընդունել է CNN-ի առաջարկը՝ հոկտեմբերի 23-ին հանրապետական ​​Դոնալդ Թրամփի հետ բանավեճերի երկրորդ փուլ անցկացնելու վերաբերյալ։ Այս մասին իր նախընտրական շտաբի նախագահ Ջեն Օ՛Մելի-Դիլոնն ասել է իր հայտարարության մեջ։

Նա աննախադեպ է անվանել իրավիճակը, երբ Հարրիսն ու Թրամփը սահմանափակվելու են հեռուստաբանավեճերի ընդամենը մեկ փուլով: «Փոխնախագահ Հարիսը պատրաստ է Դոնալդ Թրամփի հետ բեմը կիսելու ևս մեկ հնարավորության և ընդունում է հոկտեմբերի 23-ին կայանալիք բանավեճին մասնակցելու CNN-ի հրավերը։ Դոնալդ Թրամփը չպետք է խնդիր ունենա՝ համաձայնելու մասնակցել այս բանավեճին»,- ասել է Օ՛Մալլի-Դիլոնը՝ ընդգծելով, որ կանոնները նույնն են լինելու, ինչ հունիսի վերջին տեղի ունեցած բանավեճում, որին մասնակցում էին Թրամփն ու ԱՄՆ գործող նախագահ Ջո Բայդենը։