Օրեր առաջ հաղորդվեց, որ Անկարայում զինված հարձակման հետևանքով առնվազն չորս մարդ է մահացել, ըստ Թուրքիայի իշխանությունների՝ ևս 14-ը վիրավորվել են:
Նույն օրը Թուրքիայի ՆԳ նախարարը X-ի իր էջում գրել էր, որ ահաբեկչական հարձակում է եղել ավիացիայի արտադրությամբ զբաղվող TUSAŞ ընկերության վրա:
Արդեն երեկ նշվեց, որ մահացածների թիվը հասել է 5-ի, և Թուրքիայի իշխանությունները խստացնում են օդանավակայաններում անվտանգային միջոցառումները։
Թուրքական լրատվամիջոցների հաղորդմամբ՝ օդանավակայանների ելքերի ու մուտքերի մոտ լրացուցիչ ստուգումներ են իրականացվում։
Ստամբուլի օդանավակայաններից մեկն ուղևորներին հորդորել է օդանավակայան ժամանել թռիչքներից 3 ժամ շուտ։
Տեղի ունեցած ահաբեկչությունում թուրքական իշխանությունները մեղադրում են «Քուրդիստանի բանվորական կուսակցություն»-ը։
Մինչ լրատվամիջոցները հարձակման հետևանքով զոհերի ու վիրավորների մասին էին գրում, Թուրքիայի նախագահ Ռեջեփ Էրդողանը Կազանում էր և հանդիպում էր Ռուսաստանի նախագահ Վլադիմիր Պուտինի հետ։
Մանրամասները՝ տեսանյութում։
Էմմա Մարտիրոսյան
.gif)
