Երևանի քաղաքապետարանը ամանորյա եռուզեռի և նախապատրաստական աշխատանքների մեջ է։ Տարբեր վարչական շրջաններ արդեն իսկ պատրաստվում են ամանորյա տոնական միջոցառումներին՝ դրանց հետ մեկտեղ ապահովվելով տարբերվող և յուրօրինակ զարդարանքներով։
Հենց նման նախաձեռնության շրջանակում էլ Էրեբունի վարչական շրջանի ամանորյա ծառայությունների ձեռքբերումների համար Երևանի քաղաքապետարանը հատկացրել է 7 մլն հազար դրամ։
Երևանի քաղաքապետարանը Երվանդ Սարգսյան Ռուդոլֆի ԱՁ-ի հետ պայմանագիր է կնքել Երևան քաղաքի Էրեբունի վարչական շրջանի փողոցների տոնական լուսավորության ծառայությունների համար։
Պայմանագիրը կնքվել է էլեկտրոնային աճուրդի եղանակով։
Պայմանագրող սահմանվում է՝ Ամանորյա տոներին ընդառաջ Էրեբունի վարչական շրջանի կենտրոնական փողոցները՝ Տիգրան Մեծ, Էրեբունի և Սասունցի Դավիթ, ձևավորել տոնական լույսերով և լուսային դեկորներով։ Էրեբունի փողոցն ամբողջությամբ՝ երկու կողմերից, ամրացնել ամուր մետաղալարերով, որոնց վրա պետք է կախել լուսային դեկորներով շղթաներ։ Շղթային ամրացված դեկորների միջանկյալ հեռավորությունը պետք է լինի 2մ, սյունից սյուն։ Թափվող լույսերը պետք է ունենան սառցե բեկորների տեսք։ Շղթաները փողոցների վրա պետք է ամրացվեն հնարավորինս խիտ տարբերակով` բոլոր առկա սյուների վրա։ Էրեբունի արգելոց թանգարանի հարակից տարածքում տեղադրել 2025 թվականի պատկերով լուսային դեկոր՝ լեդ լույսերով, որի բարձրությունը՝ 2,5-3 մետր, երկարությունը՝ 5 մետր: Այն պետք է լինի երկաթե կոնստրուկցիայով, որն ամբողջությամբ պատված կլինի լեդ լույսերով։ Կայարանամերձ հրապարակում՝ դեպի գլխավոր տոնածառ տանող հատվածում կառուցել 8 մետր երկարությամբ լույսային կամարի տեսքով ուղի, իսկ 2 մուտքերի մոտ կառուցել մետաղական կոնստրուկցիայով լուսային կամարներ։ Անհրաժեշտ է էրեբունի թանգարանի հարակից տարածքում և վարչական շրջանի տարբեր հատվածներում կատարողի կողմից տեղեդրվեն մեծ խաղալիքների, նվերների տուփերի կամ հրեշտակների տեսքով լուսային դեկորներ՝ ընդհանուր 8 հատ։ Ձևավորումը ավարտելուց հետո, մատակարարը պետք է երեկոյան ժամին լուսանկարահանել և տեսանկարահանել ամբողջ ձևավորումը, պատրաստել 1-2 րոպե տևողությամբ տեսանյութ և տրամադրդրել պատվիրատուին։ Ամանորյա տոներից հետո կազմակերպել ամբողջ գույքի՝ լույսային շղթաների և դեկորների, ապամոնտաժումը կատարողի կողմից և միջոցներով՝ պատվիրատուի սահմանած ժամկետներում։
Հիշեցնենք, որ ArmLur.am-ը գրել էր՝ 2 մլն դրամ Երևանի քաղաքապետարանը հատկացրել էր Աջափնյակ վարչական շրջանում ամանորյա միջոցառում կազմակերպելու համար, իսկ 5 մլն դրամ էլ հատկացվել էր Նուբարաշեն վարչական շրջանում ամանորյա միջոցառում կազմակերպելու համար, իսկ 15 մլն 939 հազար դրամ Արաբկիրի վարչական շրջանի ամանորյա զարդարանքների համար։
Մանրամասները՝ տեսանյութում։
Էմմա Միքայելյան
.gif)
