Հռոմի Ֆրանցիսկոս պապը վիճակը շարունակում է մնալ ծայրահեղ ծանր, բայց կայուն: Այս մասին հայտնում է Սուրբ Աթոռի մամուլի ծառայությունը։
«Պապի վիճակը մնում է ծայրահեղ ծանր, բայց կայուն։ Սուր շնչառական դրվագներ չեն նկատվել, հեմոդինամիկ ցուցանիշները հաստատուն են մնում»,-ասված է հաղորդագրության մեջ:
Ավելի վաղ հաղորդվել էր, որ պոնտիֆիկոսին երկու անգամ էրիթրոցիտներ են ներարկել` հեմոգլոբինի մակարդակը բարձրացնելու համար։ Բացի այդ, պապը շարունակում է թթվածին ստանալ քթի խողովակների միջոցով: Նա գիտակից վիճակում է և պահպանում է կողմնորոշումը։
Փետրվարի 14-ին ընդունելությունն ավարտելուց հետո 88-ամյա Ֆրանցիսկոս պապը ուղևորվել է Հռոմի Gemelli կլինիկա` հետազոտություն անցկացնելու և հիվանդանոցային պայմաններում բրոնխիտի բուժումը շարունակելու համար: Պոնտիֆիկոսի մասնակցությամբ միջոցառումները չեղարկվել են։ Ավելի ուշ հետազոտությունները նոր սկսվող երկկողմանի թոքաբորբ են ցույց տվել։
.gif)
