Մտավորականներ Դավիթ Գասպարյանն ու Աբգար Ափինյանն այսօրվա մամլո ասուլիսում խոսելով իրենց սպասելիքների մասին նոր նշանակվելիք վարչապետից, ասացին, որ իր երեսը ժողովրդի կողմը դարձնի:
«Նորի գալուց առաջ գնահատական տալ նախորդ վարչապետին: Տիգրան Սարգսյանը չծառայեց իր ժողովրդին, նա իր տեղում չէր»,- ասաց գրականագետը:
Մեկ այլ թերություն, որը մատնանշեց գրականագետ Դավիթ Գասպարյանը, այն է, որ Տիգրան Սարգսյանի օրոք երկուշաբթի օրերը մեռելոց դարձան:
«Մենք հարգում ենք մեր մահացած հարազատներին, բայց այդպես չի կարելի, դրանից պետք է հրաժարվել»,- ասաց բանախոսը` հավելելով, որ նոր վարչապետը պետք է տնտեսությամբ զբաղվի:
Պրն Գասպարյանը, խոսելով մշակութային խնդիրների մասին, ասաց, որ Երևանն իր մշակույթով ու գիտությամբ խրված է ճահճի մեջ, և ամենևին էլ մշակութային մայրաքաղաք չէ:
Երևանի գրողների միության ղեկավար, ասուլիսի մյուս բանախոս Աբգար Ափինյանն էլ ասաց, որ իրենց միությունը նոր կառավարության վերաբերյալ առաջարկներ է արել Սերժ Սարգսյանին:
«Նոր կառավարությունը մասնագիտական բարձր որակ պետք է ունենա, տնտեսական աճ պետք է ապահովի ու արտագաղթի դեմն առնի: Նշանակվելիք նախարարները պետք է լինեն իրենց ոլորտի գիտակներ: Մշակույթի ոլորտին պետք է տալ առաջնահերթ նշանակություն»,- եզրափակեց Ափինյանը:
Սոնա Դավթյան
.gif)
