Ուկրաինայի նախագահ Վլադիմիր Զելենսկին հայտարարել է, որ Ռուսաստանի հետ հակամարտությունը շարունակելու համար իր երկիրը պետք է ամսական առնվազն մեկ միլիարդ դոլար ստանա արևմտյան դաշնակիցներից: Դրա մասին հաղորդել է УНИАН գործակալությունը:
Ըստ Ուկրաինայի ղեկավարի՝ այդ միջոցները հիմնականում կօգտագործվեն Միացյալ Նահանգներից զենք գնելու համար:
Բացի դրանից, Զելենսկին մեղադրել է Մոսկվային ձմեռային շրջանի նախապատրաստական աշխատանքները խափանելու մեջ: Նա պնդում է, որ ռուսական հարվածները, ենթադրաբար, ուղղված են ոչ միայն ջերմամատակարարման և էլեկտրաէներգիայի օբյեկտներին, այլև գազի արդյունահանման ենթակառուցվածքներին:
Ավելի վաղ պետության ղեկավարը հայտարարել էր ԱՄՆ ներկայացուցիչների հետ նախատեսված հանդիպման մասին: Մասնավորապես, նա պատրաստվում է բանակցություններ վարել ԱՄՆ նախագահի հատուկ բանագնաց Քիթ Քելլոգի հետ՝ ռուսական կողմի հետ առաջիկա շփումները քննարկելու համար:
.gif)
