ՄԵՔԵՆԱ ԿՎԱՐԻ

Apple-ի մտքով էլ չէր անցնի, որ iPhone 4S-ի Siri ձայնային կառավարման համակարգը կարող է կիրառվել նաեւ այլ ոլորտներում: Շնորհիվ Siri-ի համար նախատեսված պրոքսի-սերվերի` ծրագրավորողներն այժմ կարող են նոր փլագիններ ստեղծել ու նոր հնարավորություններով օժտել iPhone-ը: Siri-ի միջոցով կարելի է միացնել ու անջատել ավտոմեքենայի շարժիչը, ձայնային ազդանշանը, ինչպես նաեւ բացել-փակել բեռնախցիկը: Ընդ որում, գործողությունների կատարման մասին ինֆորմացիան արտաբերվում է սմարթֆոնի էկրանին: