ԱՄՆ Յուտա նահանգ կատարած աշխատանքային այցի շրջանակում ԱՄՆ-ում ՀՀ դեսպան Նարեկ Մկրտչյանն այցելել է Բրինգամ Յանգ համալսարան (BYU), որտեղ հանդիպում է ունեցել համալսարանի նախագահ Շեյն Ռիզի հետ։ Այս մասին հայտնում են ԱՄՆ-ում ՀՀ դեսպանությունից:
Հանդիպման ընթացքում կողմերը քննարկել են համագործակցության հնարավոր ուղղությունները՝ մասնավորապես ուսանողների փոխանակման ծրագրերի, կրթական և ակադեմիական նախաձեռնությունների զարգացման հեռանկարները, ինչպես նաև միջհամալսարանական կապերի խորացման հնարավորությունները։
Այցի ընթացքում դեսպան Մկրտչյանը դասախոսությամբ է հանդես եկել համալսարանի ուսանողների համար՝ ներկայացնելով ՀՀ արտաքին քաղաքական առաջնահերթությունները, տարածաշրջանային վերջին զարգացումները և ՀՀ-ԱՄՆ երկկողմ օրակարգի ընթացիկ հարցերը։
.gif)
