Թուրքիան կօգնի Սիրիայի վերականգնմանը. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան կմասնակցի Սիրիայի վերականգնման լայնածավալ գործընթացին՝ ընդգծելով, որ Անկարան մտադիր է այս գործում սիրիական կողմին ցուցաբերել համակողմանի աջակցություն։

Սիրիայի արտաքին գործերի նախարար Ասաադ աշ-Շիբանին 2025 թվականի դեկտեմբերին հայտնել է, որ երկրում շարունակում է մնալ մոտ 4 միլիոն ավերված շինություն, իսկ շուրջ 250 հազար մարդ համարվում է անհետ կորած։

Միևնույն ժամանակ, երկրի հյուսիսում և հյուսիս-արևելքում դեռևս գործում են փախստականների վրանային ճամբարներ, և շատերը սպասում են երկիր վերադառնալու հնարավորությանը՝ անհրաժեշտ պայմանների ստեղծումից հետո։