Հորմուզի նեղուցը բաց է առևտրային նավագնացության համար, չնայած կարող են լինել տեխնիկական սահմանափակումներ՝ ականների պատճառով։ Շրջափակում չկա և չի լինի, հայտարարել է Իրանի փոխարտգործնախարար Սայիդ Խաթիբզադեն։
Ուրբաթ օրը Իրանի արտաքին գործերի նախարար Աբբաս Արաղչին, ի պատասխան Լիբանանում հրադադարի, հայտարարեց, որ Հորմուզի նեղուցը լիովին բաց է բոլոր առևտրային նավերի համար հրադադարի ընթացքում։ ԱՄՆ նախագահ Դոնալդ Թրամփը հայտարարեց, որ իրանական նավահանգիստների շրջափակումը շարունակվում է՝ չնայած Հորմուզի նեղուցի բացմանը, և կշարունակվի մինչև Թեհրանի հետ համաձայնագրի լիարժեք իրականացումը։
«Այս հարցում մեզ համար անորոշություն չկա։ Ես չեմ կարող խոսել մյուս կողմի անունից, որի քաղաքականությունը կարող է մշակված լինել բոլորին շփոթեցնելու համար։ Հորմուզի նեղուցը բաց է առևտրային նավագնացության համար։ Իհարկե, մենք խոսում ենք հրադադարից հետո ընկած ժամանակահատվածի մասին։ Կարող են լինել մի շարք տեխնիկական սահմանափակումներ՝ ականների և անվտանգության հետ կապված խնդիրների պատճառով», – ասել է Խաթիբզադեն NTV- ին տված հարցազրույցում։
.gif)
