ՀՀ Ազգային ժողովի փոխնախագահ Հակոբ Արշակյանի անունով WhatsApp-ում ստեղծվել է կեղծ օգտահաշիվ։ Այս մասին իր էջում տեղեկացրել է Հակոբ Արշակյանը։
«Վերջերս նմանատիպ մեխանիզմով բավական մեծ գումարներ են հափշտակել մեր քաղաքացիներից։
Խնդրում եմ՝ եղեք ուշադիր.
֊ մի՜ սեղմեք պատահական հղումների վրա, զեղծարարները կարող են ստանալ ուղիղ հասանելիություն և կառավարում՝ ձեր հեռախոսին,
֊ ֆինանսական գործիքներով ձեր հեռախոսներից կասկածելի գործարքներ մի՜ կատարեք,
֊ ձեր բանկից, կապի օպերատորից, ընկերոջից կամ անծանոթից ստացած նամակների, զանգերի իսկությունը երկրորդ անգամ ստուգեք։
Ներկայացվածը իմ հեռախոսահամարը չէ»
.gif)
