Ռուսաստանի Վոլգոգրադի մարզի մի շարք բենզալցակայաններում կրկին սահմանափակվել է բենզինի վաճառքը։ Վարորդներին թույլատրվում է մեկ մեքենայի համար գնել առավելագույնը 40 լիտր վառելիք։
Սահմանափակումները մտցվել են հուլիսի 31-ին տարածաշրջանի էներգետիկ օբյեկտների վրա անօդաչու սարքերի հարձակումից հետո։ Հարվածներից վնասվել է «Լուկոյլ-Վոլգոգրադնեֆտեպերերաբոտկա» նավթավերամշակման գործարանը, որը տարեկան վերամշակում է ավելի քան 15 մլն տոննա նավթ։
Հարձակման հետևանքով ռուսական նավթավերամշակման ոլորտը բախվել է լուրջ խնդիրների․ իշխանությունները ստիպված են եղել սահմանափակել վառելիքի վաճառքը, արգելել դիզելի արտահանումը և վառելիք ներմուծել հարևան երկրներից։
Միաժամանակ, Վոլգոգրադում ձերբակալվել են երեք բնակիչներ, որոնք տարածել էին հարվածից հետո այրվող օբյեկտների լուսանկարներ և տեսանյութեր։ Նրանց սպառնում են խիստ պատժամիջոցներ՝ այդ թվում մեծ տուգանքներ։
.gif)
