Թուրքիայի նախագահ Ռեջեփ Թայիփ Էրդողանի օգնական Յուսուֆ Էրկելը ծեծել է ցուցարարին, որը բողոքի էր դուրս եկել Սոմա քաղաքի հանքահորում տեղի ունեցած վթարից հետո, հայտնում է РИА Новости-ին:
Նախօրեին Սոմայում հանքափորների զոհվելու կապակցությամբ բողոքի զանգվածային ակցիաներ են տեղի ունցել: Մասնավորապես, հավաքվածներից շատերը իրենց դժգոհությունն են հայտնել Թուրքիայի վարչապետ Էրդողանի կառավարությունից, իսկ իրեն` վարչապետին՝ «մարդասպան» և «գող» են անվանել:
Մինչդեռ զոհերի թիվն ավելացել է և հասել 282 մարդու: Այս մասին լրագրողներին է հայտնել էներգետիկայի և բնական ռեսուրսների նախարար Թաներ Յիլդիզը: Նրա խոսքով, վերջին 12 ժամվա ընթացքում հանքահորում ոչ մի կենդանի մարդ չի հայտնաբերվել: Դատական բժիշկներն արդեն հարազատներին են հանձնել 217 մարդկանց դիակաները:
Առողջապահության նախարար Մեհմեդ Մյուեզզինողլին հայտնել է, որ հիվանդանոցներում են գտնվում 27 մարդ, որոնք թունավորվել են շմոլ գազից: Նրանց կյանքին վտանգ չի սպառնում:
.gif)
