«Ժառանգություն» կուսակցության անդամներն ԱԺ համանուն խմբակցությունում փոքրամասնություն են կազմում: Սա այն բանից հետո, երբ Րաֆֆի Հովհաննիսյանի հրաժարականից հետո պատգամավոր դարձավ Թեւան Պողոսյանը. նա արդեն ԿԸՀ-ից վերցրել է պատգամավորական մանդատը: Ի դեպ, «Ժողովուրդ»-ի տեղեկություններով՝ Թեւան Պողոսյանը «Ժառանգության» ցուցակով պատգամավոր դարձած «Ազատ դեմոկրատներ»-ի նախագահ Խաչիկ Քոքոբելյանի հարեւանն է: Բայց ինքը՝ Պողոսյանը, մեզ հետ զրույցում հերքեց այս տեղեկությունը` ասելով. «Չէ՛, ես ապրում եմ Ավանում, եւ ինձ չի թվում, որ Քոքոբելյանն էլ է ապրում Ավան համայնքում»: Սակայն, ըստ մեր տեղեկությունների, Խաչիկ Քոքոբելյանի բնակարաններից մեկը հենց Ավան համայնքում է՝ հենց նույն շենքում:
.gif)
