Թուրքիայում կրակել են երաժշտական մրցույթում աչքի ընկած մասնակցի ուղղությամբ

Թուրքիայում անհայտ անձինք հարձակվել են երաժշտական մրցույթի մասնակցի վրա, որը հեռարձակվում է տեղի հեռուստաընկերություններից մեկով: Կրակել են 19-ամյա երգչուհու գլխին: Աղջիկը ողջ է մնացել, սակայն նրա վիճակը բժիշկները գնահատում են ծայրահեղ ծանր:

Հարձակման հետևանքով տուժածը Մուտլու Կայյան է՝ «Հայաստանի ձայն» մրցույթին  համանման մրցույթի մասնակիցը: Աղջկան շտապ տեղափոխել են Դիարբեքիրի հիվանդանոց: Նրա վիճակը բժիշկները ծայրահեղ ծանր են գնահատում:

Ինչպես նշում է Hurriyet Daily News-ը, Մուտլու Կայյան վերջերս անցել է երաժշտական մրցույթի նախընտրական փուլը: Նրա վրա ուշադրություն է դարձրել Թուրքիայում մեծ հանրաճանաչություն վայելող երգչուհի Սիբել Կանը: