Արմավիրի մարզում 12 երեխայի` աղիքային վարակ ախտանիշով հարուցիչի լաբորատոր ստուգման պատասխանը կլինի միայն վաղը: Այս մասին այսօր կառավարության նիստից հետո լրագրողների հետ զրույցում ասաց ՀՀ առողջապահության նախարար Արմեն Մուրադյանը:
«Բոլոր մանկապարտեզներում հիգիենիկ աշխատանքները պետք է համապատասխանեցվեն այն նորմատիվներին, որ ժամանակին պատրաստել է Առողջապահության նախարարությունը: Այս հարցի արժեքը հասկանալուց հետո պետք է հասկանալ, թե ինչ բյուջե կպահանջվի, որ կարողանանք բոլոր մանկապարտեզների ամբողջ խոհանոցային պայմանները բարեփոխել»,- հավելեց նա:
Նախարարը նաև նշեց, որ պահանջվում են հիգիենիկ պայմանների ամենօրյա հսկողություն: «Որպես առողջապահական մարմին հորդորում ենք իրավապահ մարմիններին պատճառները վերացնել, մենք էլ մեր հերթին փորձում ենք պատճառները բացահայտել ու համակարգային լուծման հասնել»,- եզրափակեց նա:
.gif)
