Որդու փոխարեն մա՞յրը պետք է պատիժ կրի. ինչ է իրականում տեղի ունեցել ԴԱՀԿ աշխատակցի և եզդիների միջև. «Իրավունք»

«Իրավունք» թերթը գրում է. «Վերջին շրջանում մամուլում ակտիվորեն հրապարակում ու տարածում են դեռեւս 2014 թվականի նոյեմμերին տեղի ունեցած մի միջադեպ, որով փորձում են սեպ խրել հայ եւ եզդի բարեկամ ժողովուրդների միջեւ: Մինչդեռ կատարվածը մասնավորապես վերաբերում է ազգությամբ եզդի Ամարյանների ընտանիքի ու ԴԱՀԿ աշխատակիցների միջեւ տեղի ունեցած վիճաբանությանը, որի առնչությամբ սկսվել է դատական գործընթաց: Իսկ այս ընթացքում Ամարյանների ընտանիքի մայրը` Նազիկ Ամարյանը, լրատվամիջոցներով գրոհ է սկսել` հայտարարելով, թե ԴԱՀԿ աշխատակիցները հայհոյում են եզդիներին:

Եվ այսպես` հուլիսի 10-ին, Երեւանի Արաբկիր եւ Քանաքեռ-Զեյթուն վարչական շրջանների Առաջին ատյանի ընդհանուր իրավասության դատարանում` դատավոր Լևոն Ավետիսյանի նախագահությամμ, շարունակվեց իշխանության ներկայացուցիչների` ԴԱՀԿ աշխատակիցների նկատմամբ բռնություն կիրառելու քր.գործով դատական նիստը:

Ամբաստանյալ Յուրա Ամարյանին մեղադրանք է առաջադրվել, ըստ որի, նա 2014
թվականի նոյեմμերի 19-ին` ժամը 11:00-ի սահմաններում` իր մոր` Նազիկ Ամարյանի
բնակարանում, իշխանության ներկայացուցիչ հանդիսացող ՀՀ ԴԱՀԿ աշխատակիցների կողմից իրենց ծառայողական պարտականությունները իրականացնելիս, գտնվելով ոչ սթափ վիճակում, առողջության համար վտանգավոր բռնություն է գործադրել ԴԱՀԿ աշխատակից Կարեն Միլիտոնյանի նկատմամբ` քաշքշել նրան, քարեր նետել ԴԱՀԿ աշխատակիցների ուղղությամբ, որոնցից
մեկը դիպել է Կարեն Միլիտոնյանի աջ ձեռքի ափին` վերջինիս առողջությանը պատճառելով միջին ծանրության վնաս (աջ դաստակի 1-ին մետակարպալ ոսկրի հիմքի բեկորավոր տեղաշարժված կոտրվածքի ձեւով):

Դատարանը նախ լսեց տուժող ՀՀ ԱՆ ԴԱՀԿ ծառայության օպերատիվ բաժնի
գլխավոր խորհրդատու, արդարադատության մայոր Կարեն Միլիտոնյանին, ով մանրամասնեց, թե իրականում ինչ է տեղի ունեցել այնտեղ, որտեղ մինչ դեպքը բնակվում էին Նազիկ Ամարյանն ու իր ընտանիքը…

…«Բոլորի ներկայությամբ եմ ասում` էս տղան` Յուրա Ամարյանը, անգամ
վառելափայտը դուրս բերելուց իրեն դրսեւորել է լիովին հանգիստ ու նորմալ, բացարձակ ագրեսիա չի դրսեւորել: Ամբողջը հրահրել է Նազիկ Ամարյանը: Շատ
շնորհակալ կլինեի այս ամբողջ փաստաբանությունից եւ արդարադատությունից, եթե
Յուրա Ամարյանի տեղը նստած լիներ նրա մայրը, որովհետեւ նա էր սադրիչ պահվածք
դրսեւորում` անիծում, նա էր ասում, թե եզդիներին սենց են ասում, նենց են ասում…»»:

Ավելի մանրամասն` թերթի այսօրվա համարում: