ՀՀ արդարադատության նախարարության «Վանաձոր» քրեակատարողական հիմնարկի օպերատիվ բաժնի աշխատակցի կողմից 2015 թվականի հուլիսի 15-ին հիշյալ հիմնարկի բժշկական սպասարկման բաժնի սենյակում կատարված ստուգումներով հայտնաբերվել և առգրավվել են խոշոր չափերով «դիազեպամ» տեսակի հոգեմետ դեղահաբեր:
Մասնավորապես՝ ՀՀ հատուկ քննչական ծառայությունում նախապատրաստված նյութերով պարզվել է, որ հատուկ ծառայություն իրականացնող` հիշյալ քրեակատարողական հիմնարկի հոգեմետ դեղերի պահպանության պարտականությունները կրող, պաշտոնատար անձ հանդիսացող Ա. Ղ.-ն հիվանդ դատապարտյալի կողմից չօգտագործված և իրեն վերադարձված խոշոր չափերով «դիազեպամ» տեսակի հոգեմետ դեղերը ստանալուց հետո, խախտելով դրանց ձեռք բերելու, պահելու, հաշվառելու, բաց թողնելու կանոնները, հիվանդ դատապարտյալի վերադարձրած խոշոր չափերի հոգեմետ դեղահաբերը պատշաճ չի ձևակերպել և դրանք ապօրինի պահել է իր սպորտային պայուսակի մեջ և բաճկոնի գրպանում:
Հատուկ ծառայություն իրականացնող անձի կողմից հոգեմետ դեղեր ձեռք բերելու, պահելու, հաշվառելու, բաց թողնելու կանոնների խախտմամբ՝ խոշոր չափերով «դիազեպամ» տեսակի հոգեմետ դեղահաբերն ապօրինի պահելու դեպքի առթիվ ՀՀ հատուկ քննչական ծառայությունում ՀՀ քրեական օրենսգրքի 267-րդ հոդվածի 2-րդ մասի հատկանիշներով հարուցվել է քրեական գործ:
Կատարվում է նախաքննություն:
.gif)
