Գերմանիայի կանցլեր Անգելա Մերկելը կողմ է հանդես եկել Ռուսաստանի հետ Լիսաբոնից մինչև Վլադիվոստոկ միասնական տնտեսական գոտու ստեղծմանը, փոխանցում է «ՌԻԱ Նովոստի»-ն՝ հղում անելով Frankfurter Allgemeine-ին:
Այս մասին Մերկելը հայտարարել է Մեքլենբուրգում «Քրիստոնեա-դեմոկրատական միություն» կուսակցության համագումարի ժամանակ:
«Ես կողմ եմ եվրոպական տնտեսական տարածքի հետ Ռուսաստանի աստիճանական մերձեցմանը, որպեսզի վերջին հաշվով տնտեսական միասնական գոտի ստեղծվի»,- ասել է Մերկելը:
Միևնույն ժամանակ Գերմանիայի կանցլերը հայտարարել է Ռուսաստանի դեմ պատժամիջոցների չեղարկման պատրաստակամության մասին այն դեպքում, եթե Մոսկվան կիրականացնի Մինսկի համաձայնագրերի հարցով պարտավորությունները:
.gif)
