Ռուսաստանի Դաշնության պաշտպանության նախարար, բանակի գեներալ Սերգեյ Շոյգուն կիրակի օրը կարճ աշխատանքային այցով մեկնել է Ադրբեջան, որտեղ, ինչպես ակնկալվում է, կքննարկվեն ռազմատեխնիկական համագործակցության, ինչպես նաև Լեռնային Ղարաբաղի հակամարտության կարգավորման հարցերը:
«Օգոստոսի 14-15-ը ռուսական պաշտպանական գերատեսչության ղեկավարը Բաքվում բանակցություններ կվարի Ադրբեջանի պաշտպանության նախարար Զաքիր Հասանովի հետ: Բանակցություններ ժամանակ կքննարկվեն ռազմատեխնիկական համագործակցության հարցերն ու միջազգային և տարածաշրջանային անվտանգության խնդիրները»,- լրագրողների հետ զրույցում ասել է ՌԴ ՊՆ պաշտոնական ներկայացուցիչ գեներալ-մայոր Իգոր Կոնաշենկովը:
Նրա խոսքով՝ ԼՂ հարցի շուրջ կարծիքներ կփոխանակվեն:
Ինչպես նաև պլանավորվում է, որ Շոյգուին կընդունի Ադրբեջանի նախագահ Իլհամ Ալիևը:
.gif)
