ՄԻ ՕՐԻ ՉԵՆ

Ռուսաստանցիների գրեթե կեսը (49 տոկոսը) դժգոհ է երկրում առկա վիճակից եւ պատրաստ է դուրս գալ փողոցներ` բողոքելու: Այս տվյալները հրապարակել է հանրային կարծիքի ուսումնասիրման կենտրոնը: 2010 թվականի դեկտեմբերից դժգոհողների թիվն աճել է 17 տոկոսով: Անցած տարվա դեկտեմբերի 26-ին այդ թիվը կազմել է 32 տոկոս, իսկ այս տարվա փետրվարի 13-ին` 44 տոկոս: Համապատասխանաբար ավելացել է նաեւ նրանց տոկոսը, որոնք պատրաստ են դուրս գալ բողոքելու առաջիկա կիրակի: Նման պատրաստակամություն է հայտնել հարցվածների 24 տոկոսը, այսինքն` ամեն 4-րդ ռուսաստանցին: Ամենից շատ ռուսաստանցիները բողոքում են սննդի գների աճից: