Հայաստանի ծանրամարտի կանանց հավաքականի նախկին անդամ Հռիփսիմե Խուրշուդյանի որակազրկումը երկարաձգվել է մինչև 2020 թվականը:
«Արմենպրես»-ի հաղորդմամբ, այս մասին հայտնել է Հայաստանի ծանրամարտի ֆեդերացիայի գլխավոր քարտուղար Փաշիկ Ալավերդյանը:
«Հռիփսիմե Խուրշուդյանի մասին դժվար է խոսել: Միջազգային ֆեդերացիան ապացուցում է, որ երկու անգամ «բռնվել է»:Բայց այստեղ հարցն այն է, որ եղել են մարզիկներ, ովքեր նույն պայմաններում որակազրկվել են 2 տարով, իսկ Խուրշուդյանը որակազրկումը մինչև 2020 թվականն է:
Մայիսին պետք է ավարտվեր նրա որակազրկման ժամկետը, բայց միջազգային ֆեդերացիան չեղյալ համարեց և երկարաձգեց մինչև 2020 թվականը»,-շեշտել է նա:
Խուրշուդյանը Եվրոպայի առաջնության կրկնակի չեմպիոն է: Ներկայանում էր 75 կգ քաշային կարգում:
.gif)
