Քիչ առաջ Armlur.am-ի հետ զրույցում առողջապահության նախարարության գլխավոր անեսթեզիոլոգ-ռեանիմատոլոգ Անատոլի Գնունին հայտնեց, որ Վազգեն Սարգսյանի մոր՝ Գրետա Սարգսյանի առողջական վիճակը կայուն է՝ առանց բացասական դինամիկայի: Նա այս պահին դեռ վերակենդանացման բաժանմունքում է:
Մասնագետի խոսքով` նրա մոտ հայտնաբերվել է ուղեղի արյան շրջանառության սուր խանգարում, որն արտահայտվել է իշեմիկ ինսուլտով. կպահանջվի լուրջ և երկարատև բուժում:
Թե որքան տիկին Գրետան կմնա հիվանդանոցում, ցույց կտա հիվանդության ընթացքը: «Հիվանդությունը սուր շրջանում է, ոչ մի կանխատեսում՝ կապված նրա կյանքի հետ, չենք կարող անել»,- ասաց բժիշկը:
Թեև Գրետա Սարգսյանը վերակենդանացման բաժանմունքում է, հարազատների տեսակցությունը թույլատրվում է: «Այս պահին տիկին Գրետայի քույրը նրա մոտ է»,-ասաց բժիշկը:
.gif)
