Տաջիկստանը վիզային ռեժիմ կսահմանի Թուրքիայի քաղաքացիների համար

Տաջիկստանը ապրիլի 20-ից վիզային ռեժիմ կմտցնի Թուրքիայի ընդհանուր քաղաքացիական օտարերկրյա անձնագրեր ունեցողների համար, «ՌԻԱ Նովոստի»-ին հայտնել են Տաջիկստանի արտաքին գործերի նախարարության տեղեկատվության վարչությունից։

Նշվում է, որ Թուրքիայի քաղաքացիները կարող են Տաջիկստանի Հանրապետության վիզա ստանալ արտասահմանում Տաջիկստանի դեսպանատներում և հյուպատոսություններում։

Ապրիլի 7-ին պաշտոնական Անկարան հայտարարել էր, որ ապրիլի 20-ից Տաջիկստանի քաղաքացիների համար Թուրքիա մեկնելիս վիզային ռեժիմ է սահմանվելու։