Ստամբուլի իշխանություններն ուժեղացրել են անվտանգության միջոցառումները կենտրոնական Թաքսիմ հրապարակի շրջակա տարածքներում՝ այնտեղ չարտոնված մայիսմեկյան ցույցերի անցկացումը կանխելու համար։ Ժամանակակից իրավաբանների ասոցիացիան հայտնել է, որ գրեթե 300 մարդ ձերբակալվել է չթույլատրված ինքնաբուխ բողոքի ցույցեր կազմակերպելու փորձի համար։
Շիշլիի շրջանում ոստիկանության կողմից ձերբակալվել է առնվազն 13 մարդ, հիմնականում՝ երիտասարդներ։ Ձերբակալություններ են կատարվել նաև Բեշիկթաշ շրջանում։
Իրավապաշտպանների խոսքով՝ ձերբակալվածների թվում են այս միավորումը ներկայացնող հինգ փաստաբաններ, սակայն այս տեղեկատվությունը իշխանությունների կողմից չի հաստատվել։
Թուրքիայում մայիսի 1-ին նշվող Աշխատանքի և համերաշխության օրը անվտանգության ապահովմանը ներգրավված է մոտ 40,000 ոստիկան։
.gif)
