Աֆղանստանում գրանցված հզոր երկրաշարժի զոհերի թիվը պակիստանցիների շարքում գերազանցել է 70-ը: Այս մասին հայտնում է «ՌԻԱ Նովոստին»` հղում կատարելով Geo TV-ին:
Ավելի վաղ հաղորդվում էր 42 զոհի մասին:
«Պակիստանի տարբեր քաղաքներում երկրաշարժի արդյունքում զոհերի թիվը կազմել է 73 հոգի»,- ասվում է վազող տողում, որը հեռարձակում է հեռուստաալիքը:
Առավել շատ տուժել է Հայբեր-Պախտունխվա նահանգը: Դրա ադիմինիստրատիվ կենտրոնում ` Փեշավար քաղաքում¸ մասնակիորեն փլուզվել է Բալ Հիսսարի պատը: Լեռնային շրջաններում սողանքներ են գրանցվել, արգելափակված են մի քանի ավտոմայրուղիներ: Այս պատճառով դժվարացել է վիրավորների` հիվանդանոցներ տեղափոխելը:
.gif)
