Հայտնի մոդելներ, դերասանուհիներ և երգչուհիներ. Լեոնարդո ԴիԿապրիոյի նախկին ընկերուհիները (ֆոտո)

Հոլիվուդյան հայտնի սրտակեր Լեոնարդո ԴիԿապրիոն «թաշկինակի պես» փոխում է իր ընկերուհիներին: Նախկին ընկերուհիների ցանկում մոդելներ են, դերասանուհիներ, երգչուհիներ:

Դերասանին դուր են գալիս մինչև 25 տարեկան գեղեցկուհիները:

Ժիզել Բյունդխեն

ԴիԿապրիոն 5 տարի հանդիպել է բրազիլացի սուպերմոդելի հետ: Նրանք բաժանվել են 2005թ.: Ժիզելը ցանկանում էր ամուսնանալ, սակայն նրա ընտրյալն այդպես էլ չկարողացավ գնալ այդ պատասխանատու քայլին:

Բիժու Ֆիլիպս

90-ականների վերջին Լեոն հանդիպում էր Բիժու Ֆիլիպսի հետ՝ The Mamas & the Papas խմբի երաժիշտ Ջոն Ֆիլիպսի դստեր հետ: «Սևը և սպիտակը» ֆիլմում իր դեբյուտային դերի համար պարտական է Լեոյին:

Աննա Վյալիցինա

Մեկ ամիս հանդիպել է ռուս սուպերմոդել Աննա Վյալիցինայի հետ:

Բար Ռաֆաելի

5 տարի հանդիպել է իսրայելցի թոփ մոդել Բար Ռաֆաելիի հետ: 2012թ. Բարը դարձել է ամենասեքսուալ կին՝ Maxim ամսագրի վարկածով:

Էրին Հիզերտոն

Ամերիկացի մոդելի հետ հանդիպել է մեկ տարի: Նրանց միջև սիրավեպը սկսվել է Բլեյք Լայվլիի հետ բաժանումից մի քանի ամիս անց: Էրինը հայտնի է որպես Victoria’s Secret-ի նախկին հրեշտակ:

Դեմի Մուր

Խոսակցություններ են պտտվում, որ Դեմի Մուրը գիշեր է անցկացրել ԴիԿապրիոյի հետ 1997թ., երբ նրա ամուսնությունը Բրյուս Ուիլիսի հետ վտանգի տակ էր: Ավելի քան 15 տարի անց Դեմին փորձել է վերսկսել Լեոյի հետ հարաբերությունները, սակայն դերասանը ցանկություն չի հայտնել:

Ռիհաննա

2015թ. համացանցում հայտնվեց Լեոյի և Ռիհաննայի լուսանկարը, որում նրանք համբուրվում են: Սակայն նրանցից ոչ մեկ չի հաստատում այդ հարաբերությունները:

Քրիստեն Զանգ

22 տարեկանում դեռևս «Տիտանիկ»-ի թողարկումից առաջ Լեոն սկսել է հանդիպել ոչ հայտնի մոդել Քրիստեն Զանգի հետ: Նրանց հարաբերությունները տևել են 15 ամիս:

Հելենա Քրիստենսեն

1997թ. մի քանի ամիս դերասանը հանդիպել է դանիացի սուպերմոդելի հետ, ով նրանից 6 տարով մեծ է: ԴիԿապրիոյի հետ հարաբերությունների մասին Հելենան ոչ մի հարցազրույցում չի հիշատակում:

Թոնի Հարն

Գերմանացի մոդելի հետ հանդիպել է մեկ տարի: Մոդելը փոքր է նրանից 18 տարի:

Նաոմի Քեմփբել

90-ականներին նա հասցրել է սիրավեպ ունենալ նաև սուպերմոդել Նաոմի Քեմփբելի հետ, սակայն հայտնիները շուտով հասկացել են, որ պետք է ընկերներ մնան:

Բլեյք Լայվլի

Նրանց հարաբերությունները տևել են մի քանի ամիս: Սակայն դերասանի հարազատները համոզված էին, որ հենց Բլեյքն է նրա ճակատագիրը:

Քելի Ռոբրահ

Ամերիկացի մոդելի հետ դերասանը հանդիպել է 2015թ. ամռանը, սակայն նրանց հարաբերությունները տևել են կես տարի: Նույնիսկ խոսակցություններ էին պտտվում, որ դերասանն առաջարկություն է արել մոդելին: Իր բոլոր հարցազրույցներում դերասանն ասել է, որ իր ընտրյալը շատ խելացի է: