Armlur.am-ի տեղեկությունների համաձայն, ԱԺ նախագահ Արարատ Միրզոյանն աշխատանքի վերադառնալուց հետո, սկսել է պաշտոնական տարբեր հանդիպումներ կազմակերպել, որոնք հիմնականում փակ դռների հետևում են տեղի ունենում՝ հասկանալու համար, թե ստեղված իրավիճակում որոնք են ելքերը:
Մենք տեղեկացանք, որ այսօր էլ ժամը 15.30-ին Միրզոյանն իր մոտ է հրավիրել ԱԺ արտաքին հարաբերությունների մշտական հանձնաժողովի ու Եվրոպական Ինտեգրման հարցերի մշտական հանձաժողովի պատգամավորներին, քննարկել արտաքին հարաբերություններում իրենց առաջիկա անելիքները: Մեր աղբյուրները փոխանցում են,որ նախատեսված է Արտաքին գործերի նորանշանակ նախարար Արա Այվազյանի ԱԺ այցը և փակ հանդիպմանը ներկա գտնվելը: Հայրենի օրենսդիրները փորձելու են նախարարից պարզել, թե հետպատերազմյան իրավիճակում իրենք ինչ ունեն ու որոնք են իրենց անելիքները:
Ըստ մեր տեղեկությունների, այս պահին էլ խորհրդարանում ընթանում է ԱԺ «Իմ քայլը» խմբակցության պատգամավորների նիստը, որոնք քննարկում են առաջիկա հերթական նիտում քննարկվելիք հարցերը:
Սոնա Գրիգորյան
.gif)
